Mostrar menú

Para Girolamo Seripando (Eres muy bendecido, Seripando…)

  • Giovanni Andrea [Gesualdo?]
Ciudad
Nápoles
Páginas
f. 13r
Signatura
Ms. XIII AA 63, f. 13r
Biblioteca
Biblioteca Nacional de Nápoles
Métrica
Himno a Phoebo. Oda sáfica
Documentos

Transcripción

BNN, Ms. XIII AA 63, f. 13r
Image Load Events: 0
Images Found Already Loaded: 0

Εἰς Ἱερώνυμον, τὸν Σερίπανδον

Εἶ μάλ᾿ εὐδαίμων Σερίπανδε, κόσμου
ὅς μεμισηκὼς θόρυβον κακίστου,
εὐσεβῆ πρόφρων μοναχῶν σεβαστῶν
τὸν βίον εἵλου.

Θεῖά σοι μέλλει ὅπου, ἀσφαλείας                                 5
μεστὰ, παντοίαις νοὸς ἠδὲ πλήρη
Χαρμοναῖς. ζηλοῖς πατέρων παλαιῶν
σέμνια τ᾿ ἤθη.

Ἐσσὶ θρησκείας παράδηγμ᾿ ἀληθοῦς.
εὐσεβὴς, ἁγνὸς, καθαρὸς θ᾿ ὑπάρχει
σοὶ βίος. ψυχὴ ὁσίη, σοφή τε
κηλίδος ἐκτός.

Νῦν λύπας παύη τόπος εὐάρεστος [debería ser παύει]
οὗτος, ὃν ναίης, σέο καὶ μερίμνας
ἡπιᾷ, ὅς σοι μοναχῶν διδοῦσι
πράγματα πολλῶν.

Ἀξίως ἔνθεν λιβυκοῦ γέροντος
συλλογὴν πᾶσαν φρόνιμος διοικεῖς
νῦν ἀπών. ἧ τοὺς κανόνας προτάττεις
νεύματι μούνῳ.

Ὧδε σύντριψον. προκαλεῖ γλυκεῖα
πατρίς, ἡ σειρὴν γλαφυρὰ. παρόντος
σεῖο, καμπανῶν ἱλαρῶς γελῶσι
πάντα τὰ φῦλα.

ἥδεται πατρὸς πολιοῦ Σεβήθου
ῥεῦμα, καὶ βουνοί, ποταμοὶ σὺν ὕλαις,
καὶ χορὸς νυμηῶν θαλερῶν, γλύκιστος
παυσιλυπός τε.

ἠ δ᾿ ἐγὼ εὐφραίνων πάλομαι μάλιστα
ἡδέως γὰρ μου ὁράεις πρόσωπον.
καὶ με σῇ κνήμῃ κατέχειν ἄνολβον
ἀξιόης δή.

Ἐσσί μοι Φοῖβος Σερίπανδε μοῦνος.
εἴμι σου χωρὶς ζοφερὸς κ᾿ ἀφεγγής,
σῆς γὰρ οἱ πυρσοὶ ἀρετῆς ἀμώμου
φῶς μοι ἱᾶσιν.

Εἶθε προσθεῖεν μάκαρες πάνολβον
σοὶ βίον. ζῶν γὰρ γέρης εἶ μέγιστον
πᾶσι σπουδαίοις, κ᾿ ἀθρόος βοηθός,
ὢν φιλόμουσος.

Transcripción: Mark Riley